Vitnisburður frá 1602 sem einsöguleg heimild um utanlandsverslun á Íslandi við upphaf dönsku einokunarverslunarinnar

Í þessari grein er rýnt ítarlega í vitnisburð átta manna fyrir bæjarráðinu í Hamborg í ágúst 1602. Mennirnir höfðu verið þátttakendur í verslunarfélagi Helsingjaeyrar undir forystu Johans Holtgreve kaupmanns frá Hamborg sem var sakaður um ólögleg viðskipti á Íslandi sama sumar. Vitnisburðurinn veitir stórmerkilega og nákvæma innsýn í viðskipti erlendra verslunarfélaga á Íslandi, skipulag þeirra, alþjóðlega sam¬vinnu og fiskveiðisögu Íslands. Auk þess varpar hann ljósi á umskiptin frá yfirráðum þýskra kaupmanna yfir versluninni á Íslandi á sextándu öld til dönsku einokunarverslunarinnar sem fylgdi í kjölfarið.