Saga: Tímarit Sögufélags 2009 XLVII: II

Forsíðumynd haustheftis Sögu 2009 er stjarna stórkrossriddara hinnar íslensku fálkaorðu og ritar Guðmundur Oddur Magnússon stutta grein um hana. Í spurningu Sögu svara sérfræðingar um hagsögu Sveini Agnarssyni um það hvaða lærdóm megi draga af hagþróun og hagstjórn á Íslandi á 20. öld.

Tvær ritrýndar greinar eru í heftinu. Guðni Th. Jóhannesson skrifar um lög, ásakanir og dóma um landráð á Íslandi. Svanur Kristjánsson ritar grein sem ber nafnið „Íslensk kvennahreyfing, valdakarlar og þróun lýðræðis 1907-1927“.

Erla Hulda Halldórsdóttir tekur viðtal við Judith M. Bennett prófessor í sagnfræði við University of Southern California.

Þá eru birtar fjórar viðhorfsgreinar, einn ítardómur og fjöldi ritdóma.