Skip to content
Saga: Tímarit Sögufélags 2017 LV: II
Útgáfuár
2017
Tölublað
55:2
Ritstjórar
Erla Hulda Halldórsdóttir og Vilhelm Vilhelmsson
Blaðsíðufjöldi
267
ISSN
0256-8411

Saga: Tímarit Sögufélags 2017 LV: II

Hausthefti Sögu 2017 flytur lesendum sögur af „ástandsstúlkum“ seinni heimsstyrjaldar, erlendum ferðamönnum sem upphófu Þingvelli í skrifum sínum upp úr aldamótunum 1800, konu sem flýði ofbeldisfullan eiginmann og fékk leyfi til skilnaðar frá konungi undir lok 18. aldar og íslenskri ættarnafnapólitík á tímum sjálfstæðisbaráttunnar á nítjándu öld og fram á þá tuttugustu. Um þetta fjalla megingreinarnar fjórar og endurspegla þannig fjölbreyttar rannsóknir á sviði sagnfræði og skyldra greina. Höfundar þeirra eru Hafdís Erla Hafsteinsdóttir, Jón Karl Helgason, Brynja Björnsdóttir og Páll Björnsson.

Álitamál þessa heftis Sögu snýst um menningarminjar og varðveislu þeirra. Auk Minjastofnunar taka þar þrír sérfræðingar til máls: Helgi Þorláksson sagnfræðingur, Hilmar Þór Björnsson arkitekt og Vala Garðarsdóttir fornleifafræðingur.

Vilhelm Vilhelmsson fjallar sérstaklega um forsíðumyndina á hausthefti Sögu sem sýnir Tóvinnuskóla Rannveigar Líndal í Julianehåb 1921-1923.

Í tímaritinu birtast auk þess ritdómar, ritfregnir og viðhorfsgreinar.

No data was found